چیف آف ڈیفنس فورسز آسٹریلیا جنرل اینگس جے کیمبل نے آج جنرل سید عاصم منیر سے ملاقات کی۔ اپنی ملاقات کے دوران، انہوں نے دو طرفہ پیشہ ورانہ دلچسپی کے امور پر بات چیت کی، جس میں خاص طور پر عالمی اور علاقائی سلامتی کے ماحول اور دونوں مسلح افواج کے درمیان تعاون پر توجہ دی گئی۔ دونوں فریقوں نے ملٹری ٹو ملٹری تعاون کو مزید وسعت دینے کی باہمی خواہش کا اظہار کیا۔
آسٹریلوی چیف آف ڈیفنس فورسز نے پاکستان کی مسلح افواج کے اعلیٰ پیشہ وارانہ معیارات، دہشت گردی کے خلاف جنگ میں ان کی نمایاں کامیابیوں اور علاقائی امن و استحکام کے فروغ کے لیے ان کی مسلسل کوششوں کو سراہا۔
